Saya tidak ingin menerjemahkannya dalam bahasa Indonesia. Rasanya sudah cukup indah, ditulis dan dibaca dalam bahasa aslinya. Selamat menikmati!
Subhanallah Wahdahu Wabihamdihi
Khalikul Badri Walaili Azza Wajalla
Ulon Pujoe Po Sidroe Po Syukur Keu rabbi Ya Aini
Keu Kamoe Neubri Beusuci Atjeh Mulia
Tajak Prang Musoh Beuruntoh Dum Sitree Nabi
Nyang Meu Ungki Keu Rabbi Keu Po Yang Esa
Meuso Han tem Prang Cit Malang Cilaka Tuboh Rugo Roh
Syuruga Tan Roeh Rugoe Roh Balah Neuraka
Meuso Nyang Tem Prang Cit Meunang Meutuah Tuboh
Syuruga that Roeh yang Leusoh Geubri Keugata
Lindong Gata Sigala Nyang Mujahiddin Nursalin
Jeut-jeut Mukim Ie Kalim Atjeh Mulia
Nyang Meubahagia Seujahtera Syahid Dalam Prang
Allah Pulang Dum Dayang Budiadari
Hoka Siwah Sirawah Syahid Dalam Prang dan Seunang
Geu peurab Rijang Peutameung Syuruga Tinggi
Budiadari meuruti Geudeung Geupandang
Geu Cut Abang Jak Meucang dalam Prang Sabi
Hoeka Judo Rakan Eu Syahid dalam Prang dan seunang
Geu Peurab Rijang bak Cut Bang Saleem Lee Jibril
Assalamualaikum alaikum Teungku Meutuah
Katroeh Neu Langkjah Neu langkah Neuwoe Bak Kamoe
Amanah Nabi ya Nabi Hana neu Ubah Neu Ubah
Syuruga Indah Ya Allah Pahla Prang Sabi
Urueng Binoe lah Binoe Bek Takheun Matee
Beuthat Beu Tanle ya Allah Nyaweung Lam Badan
Beutasare Keunong Lah Keunong Seunjata Kapphe Lah Kaphe
Keunan Datang Le ya Allah Po Muda Seudang
Urueng Binoe Lah Binoe Geumoe Meukiyam
Aneuk Jak Lamprang Peutimang Amanah nabi
Meubek tatakot taseuroet Ancuk Seunapan Bangsawan
Aneuk Meuriam Ya Allah Ata Si Pai
Jimah Kipaih Lah Kipaih Saboh Bak Jaroe
Di Preh Judo Woe Ya Allah Dalam Prang Sabi
Geucok Disinan Ya Allah Geuba Ue Dalam Ue Dalam
Geupeuduk Sajan Lah Sajan Ateuh Kurusi
Ija Pute Lah Puteh Geusampoh Darah
Ija Mirah Ya Allah GeuSampoh Gaki
Rupa Geu Puteh Lah Puteh Sang-sang Bulen trang di Awan
Watte Ta Pandang Ya Allah Seunang Lam Hatee
Darah Nyang hanyi Lah hanyi Gadeh Di Badan
Geuboh Le Tuhan Ya Allah Ngeun Minyeuk Kasturi
Di Kamoe Atjeh Ya Allah Darah Peujuang-Peujuang
Neubri Beu Manyang ya Allah Atjeh Mulia
Tidak ada komentar:
Posting Komentar